Albisteak

Gipuzkoa Encounter 16aren balantze positiboa egin dute antolatzaileek, eta BECen gauzatuko den Euskal Encounterren jarri dute begirada

press@euskalencounter.org (infotres) — Mon, 21 Mar 2022 12:07:53 +0000

Gipuzkoa Encounterren 16. edizioari ere nota ona jarri diote antolatzaileek, teknologia zaleen inplikazioa eta parte-hartzea ikusita, bai 20 hitzaldi eta tailerretan eta bai partyko gainerako arloetan: sormen digitala, hardwarea, bideo-jokoak eta software librea. Euskaltel Fundazioko zuzendari eta topaketaren koordinatzaile Sabino San Vicente oso pozik agertu da online egindako lanparty honen emaitzarekin, eta balantze gisa, eskainitako edukien kalitate handia eta parte-hartzaile, babesle eta antolatzaileen arteko lankidetza bikaina azpimarratu ditu.

Instagramen eta NFTen etorkizuna nahiz etxean energia aurrezteko gakoak jorratu dituzte adituek Gipuzkoa Encounterren

press@euskalencounter.org (infotres) — Sat, 19 Mar 2022 15:13:00 +0000

Instagramen eta NFTen (mundu digitalean hedatzen ari diren aktibo "imitaezinak") etorkizuna edo etxean energia aurreztea dira Gipuzkoa Encounter 16an landutako gai deigarrienetarikoak. Antolatutako 20 hitzaldiak interes handia pizten ari dira parte-hartzaileen artean, eta topaketan izena eman ez dutenak ere saioetara batzen ari dira, eskaintza irekia eta doakoa dela aprobetxatuz. Bilkura amaitzean, prestakuntza-material hori guztia eskuragarri egongo da Euskal Encounterreko YouTubeko kanalean.

Gaur hasiko da Gipuzkoa Encounter 16 online, heziketa-apustu erakargarriarekin eta jardueraz betetako egitarauarekin

press@euskalencounter.org (infotres) — Fri, 18 Mar 2022 14:22:01 +0000

Gaur hasiko da Gipuzkoa Encounter 16 online, heziketa-apustu erakargarriarekin eta jardueraz betetako egitarauarekin. Parte-hartzaileak arratsaldeko lehenengo orduetatik hasiko dira beren etxeetatik ekitaldira konektatzen eta programatuta dauden teknologia-munduko gaurkotasunarekin lotutako dozenaka lehiaketa, jolas eta hitzalditan parte hartzen.

Gipuzkoa Encounter hitzorduak formatu birtualean elkartuko ditu aurten ere teknologia zaleak

press@euskalencounter.org (infotres) — Wed, 16 Mar 2022 07:46:32 +0000

Ekimenaren 16. edizioa martxoaren 18tik 20ra egingo da, eta 40 jolas- eta prestakuntza-jarduera inguru gauzatuko dira online. Horri esker, partaide guztiek beren etxeetatik parte hartu ahal izango dute.
Aurreko bi urteetan gertatu den bezala, COVID 19aren aurkako neurri soziosanitarioen ondorioz, antolatzaileek online formatua mantentzea erabaki dute, Tolosako Usabal Kiroldegira itzuli beharrean.
Antolatzaileek eta laguntzaileek 2020 eta 2021 urteetan online ekitaldiak egiten lortutako esperientziari esker, topaketa erakargarria izango da datorren asteburuan, aurrez aurreko hitzorduek zuten egitura berarekin.
Topaketak 400 plaza birtual izango ditu, bilkura presentzialak Usabal kiroldegian izango lukeen kopuru bera. Parte hartu nahi dutenek gipuzkoaencounter.org bidez erreserbatu dezakete beren lekua.
Gipuzkoa Encounter Euskaltel Fundazioak antolatzen du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin.